གལ་ཏེ་ང་རང་འཆི་དགོས་ཚེ་
Translated to Tibetan by @palden_gyalགལ་ཏེ་ང་རང་འཆི་དགོས་ཚེ་
ཁྱེད་ཉིད་ངེས་པར་ཏུ་འཚོ་དགོས་
ངའི་ལོ་རྒྱུས་གཞན་ལ་བཤད་རྒྱུའི་ཆེད་
ངའི་རྒྱུ་དངོས་དག་བཙོང་རྒྱུའི་ཆེད་
རས་ཆ་དུམ་བུ་གཅིག་དང་
སྐུད་པ་འགའ་ཉོ་རྒྱུའི་ཆེད་
(སྐུད་པ་དཀར་པོ་དང་རིང་པོ་འཁལ་རོགས་)
དེ་ལྟར། ཕྲུག་གུ་ཞིག་གིས། གཱ་ཛ་ཡི་ས་ཆ་ག་གེ་མོར་
མགོ་བོ་བཏེགས་ནས་ནམ་མཁའ་རུ་ལྟ་ཞིང་
མེ་ཕུང་ལ་འཐིམ་པའི་ཨ་ཕར་སྒུག་དུས་ —
སུ་ལའང་གྱེས་གཏམ་མེད་པར་
ཐ་ན་རང་གི་ལུས་པོ་དང་
རང་ཉིད་ལའང་
ཤོག་བྱ་དེ་མཐོང་ངེས། ཁྱེད་ཀྱིས་བཟོས་པའི་ང་ཡི་ཤོག་བྱ་
དེ་ལྟར་ནམ་མཁའ་རུ་ལྡིང་སྐོར་བྱེད་དུས་
ཁོ་བོས་རེ་ཞིག་དེ་ནི་ལྷའི་ཕོ་ཉ་ཞིག་གིས་
བརྩེ་བ་ཕྱིར་འདྲེན་པའི་དན་རྟགས་རེད་ད ྲན་ངེས་
གལ་ཏེ་ང་རང་འཆི་དགོས་ཚེ་
དེས་རེ་བ་སྟེར་བར་ཤོག་
དེ་གཏམ་རྒྱུད་ཅིག་འགྱུར་བར་ཤོག