എന്നെ തേടി മരണമെത്തിയാലും

എന്നെ തേടി മരണമെത്തിയാലും

നീ ജീവിക്കണം

എന്റെ കഥ പറയാൻ,

എന്റെ നീക്കിയിരിപ്പുകൾ വിറ്റൊരു തുണ്ടു തുണി വാങ്ങുവാൻ

ആ തൂവെള്ള തുണിയും കുറച്ചു ചരടുകളും ചേർത്തു നീയൊരു പട്ടമുണ്ടാക്കണം.

ആരോടും വിട ചൊല്ലാതെ,

സ്വന്തം ദേഹത്തോടും തന്നോട് തന്നെയും വിടപറയാതെ,

എരിഞ്ഞടങ്ങിപോയ അച്ഛനെ തിരഞ്ഞ്

സ്വർഗത്തിലേക്ക് നോക്കുന്ന ഒരു കുഞ്ഞ്

അത് കാണുവാനിടവരട്ടെ.

ഗാസയുടെ ആകാശത്തിലെവിടെയോ ആ പട്ടം,

നീയെനിക്കായുണ്ടാക്കിയ എന്റെ പട്ടം, കണ്ട്

ഈ ദുരന്തഭൂമിയിലേക്ക് സ്നേഹം തിരിച്ചു കൊണ്ടുവരുന്ന

മാലാഖയാണതെന്ന് ഒരു നിമിഷമെങ്കിലും അവൻ കരുതട്ടെ

എന്നെ തേടി മരണമെത്തിയാൽ

പ്രത്യാശയുടെ ദിനങ്ങളും ഒപ്പം കടന്നു വരട്ടെ

അതൊരു മുത്തശ്ശികഥ പോലെ പറഞ്ഞറിയട്ടെ