ငါသေရမယ်ဆိုရင်
Translated to Burmese by @machintheငါသေရမယ်ဆိုရင်
မင်းဆက်အသက်ရှင်ရမယ်
ငါ့အကြောင်း သူများတွေကိုပြောပြဖို့
ငါ့ပစ္စည်းတွေကို ရောင်းချပေးဖို့
အဝတ်စတစ်ခုနဲ့
ချည်ကြိုးတချို့
(အဖြူရောင်နဲ့ အမြီးရှည်ရှည်လေးဆို ပိုကောင်းမယ်)
ဝယ်ပါ
ဂါဇာတစ်နေရာက ကလေးတစ်ယောက်ရဲ့
မျက်လုံးထဲမှာ နိဗ္ဗာန်ကိုမြင်စေဖို့–
သူ့ခန္ဓာအသွေးအသား
သူ့ကိုယ်သူတောင်
ဘယ်သူ့ကိုမှ နှုတ်မဆက်ဘဲ–
တဟုန်းဟုန်းတောက်လောင်နေတဲ့မီးတောက်တွေထဲတိုးဝင်သွားတဲ့ သူ့အဖေကိုစောင့်နေတုန်း
မင်းလုပ်ပေးတဲ့ငါ့ရဲ့စွန်ကြိုး မိုးပေါ်ကို
မြင့်
တက်ပျံနေတာကိုတွေ့ဖို့
ကောင်းကင်မှာ
ချစ်ခြင်းမေတ္တာတွေ ပြန်လည်သယ်ယူလာပေးမဲ့
နတ်ဖုရားတွေရှိသေးတယ်ဆိုတာ သိစေဖို့
ငါသာသေရမယ်ဆိုရင်
ငါ့သေခြင်းက မျှော်လင့်ချက်တွေသယ်ယူလာပေးပါစေ
ငါ့သေခြင်းက ဒဏ္ဍာရီအဖြစ် ကျန်ရစ်ပါစေ