Kung ako man ay mamatay

Kung ako man ay mamatay,

Ikaw ay dapat mabuhay

Upang isalaysay ang aking buhay

Upang ipagbili ang aking bagay

Upang bumili ng tela

At mga tali

(Gawin mong maputi at mahaba ang buntot)

Upang ang isang bata, kahit saan man sa Gaza

habang nakatitig sa mata ng langit

Naghihintay sa kanyang ama na umalis sa liyab

At hindi nagpaalam sa kahit sino man

Hindi man lang sa kanyang dugo't laman

Hindi man lang sa kanyang sarili-

Makita ang saranggolang mula sayo, lumipad

Sa itaas

At maisip sa sandali na nandoon ang anghel

Na magbabalik ng pag-ibig

Kung ako man ay mamatay

Hayaang ito'y magdala ng pag-asa

Hayaang ito'y maging salaysay